 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
1
Ляцяць аблокі ў вырай тайны.
Бары над Нёманам маўчаць.
На станцыі выратаваньня
Матросы сьпяць.
Матросы сьпяць магутна, весела;
На сон
прыняўшы на траіх, –
Матросы сьпяць, як ходзяць зь песьнямі
Ў страі.
Матросы сьпяць. Ім сны ня сьняцца.
Не пераплыць празь Нёман снам.
I калі трэба ратавацца –
Ратуйся сам.
2
Гісторый
вострых і салоненькіх
Здаралася ў жыцьці нямала...
Было: хапаўся за саломінку –
Трымала.
...На плёсах лёс гуляе з ломікам.
Матросы сьпяць і сноў ня бачаць.
I круціцца ў віры саломінка
Маёй удачы.
3
Як рукі нашыя сашчэплены!
Нібы замкі.
Салодка адчуваю
шчэлепы
I плаўнікі.
Ад усяго і ўсіх свабодныя,
Імкліва, коса
Плывём, на сон ракі падобныя,
У сны матросаў.
Нас хвалі выкінуць на раньні,
Як рыб, па бераг...
На станцыі выратаваньня
Ня рыпнуць дзьверы.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
